Aniga oo ah Ra’iisul Wasaaraha Jamhuuriyadda Federaalka Soomaaliya Maxamed Xuseen Rooble, waxaan isbitaalka ku booqday Afhayeenka Xukuumadda Soomaaliya Mudane Maxamed Ibraahim Macallimuu, oo ku dhaawacmay qarax ay argagixisadu la beegsadeen.
Waxaan la sheekeystay Afhayeenka Xukuumadda, waxaana ku faraxsanahay in xaaladdiisu ay soo hagaagayso. Waxaan Alle uga baryay inuu siiyo caafimaad degdeg ah oo buuxa. Sidoo kale, waxaan warbixin ka dhageystay dhaqaatiirta ku howlan daaweyntiisa, kuwaas oo ii xaqiijiyay in xaaladdiisu ay tahay mid wanaagsan marka la eego duruufaha uu ku dhaawacmay.
Afhayeenka Xukuumadda waxaa lagu dabiibayaa Isbitaalka Digfeer ee magaalada Muqdisho. Qaraxan wuxuu ahaa mid si gaar ah isaga loogu beegsaday, waana kii shanaad ee uu la kulmo shantii sano ee la soo dhaafay. Qaraxyadii hore qaar Alle wuu ka badbaadiyay, halka kuwo kalena ay kasoo gaareen dhaawacyo kala duwan.
Qaraxii ugu dambeeyay ee shalay dhacay waxaa ku dhintay oo keliya qofkii naftiisa haligay, waxaana mar kale adkeynayaa in dowladda ay ka go’an tahay la dagaallanka argagixisada iyo garab istaagga masuuliyiinta iyo shacabka ay dhibaateeyaan.
